لازم ننزل التحرير و كل ميدان و ساحه فيكي يا مصر...... لازم نتشبث بكل ما حققناه و دفعنا فيه كل غالي و رخيص..... عارفين ليه؟
عشان زي منتو شايفين كلاب النظام لسه لسه بتنبح و عماله بتشد حيلها .... يعني لسه شغاله .... يعني لسه احمد شفيق و امن الدوله و الدخلية بيدفعولهم من فلوسنا عشان يهبطو الثورة و يبوظو كل الي عملناه ....لسه الطريق طويل .... وكل الي محتاجينو هوا الوعي و الايجابية..... زي ما ابتدينا التغيير بايدينا و دمنا ...لازم نشرف عليه و نتابعو بانفسنا...... ده الطبيعي يا جماعه..... هوا في حد عندو مشروع ولا محل مبيتابعش العمل فيه !!! هما ليه عايزين يقولولنا شكرا .... احنا حنعمل الي انتو عايزينو .... ادخلو في سبات تاني و كل حاجه حتكون كويسه !!!
حتى الرسول عليه الصلاة و السلام قال: اذا عمل احدكم عملا فل يتقنه. الحمد لله الي وصلنالو مش شويه و عشان نحافظ عليه و يوصلنا نتايجو نكون رجاله و نقف وقفة رجاله.
زي مفي في امريكا خطاب حالة الاتحاد الي بيتكلم فيه الرئيس الامريكي كل فتره مع الشعب ...... احنا بقا حنروح كل فتره نسمع الحكومه راينا و صوتنا .... عشان المال السايب بيعلم السرقه ... و بيخلي الكويس وحش ..... و ليه هما زعلانين من الحساب .....ولا الحكومه مبتحبش تشوف الشعب بتاعها !!!! ولا تسمع صوتو !!!
ادي توتس ادامكو ...عمالين يحاولو يسرقو انجازات الثوره و حتفضل المحاولات ..... والي عايز حقو لازم يدافع عليه و يتابعو ....حقك في بلدك زي حقك في مشروعك.... شركتك .... محلك ..... بتابع الي بيديرو ولي شغال فيه عشان ميسرقكش و يديك على قفاك....
انا متهيئلي ان الشرطه منزلتش عشان هما متعلموش، مبيعرفوش او مش متعودين يعاملو الناس على انهم مواطنين وليهم حقوق .... هما متعودين ينزلو يبلطجو.... تفتكرو لازم يتعملهم دورة تدريبية لأعادة التأهيل ؟
كون ايجابي .... عشان خاطر ولادك .... عشان تبقى محترم في بلدك
ليست هناك تعليقات:
إرسال تعليق