الخطوة الاولة نحو الوصول الى المكان الذي تريده، ماهو الى قرارك بانك لن تبقى حيث انت.
جون بيربونت مورجان

“In God we trust. All others must provide data.”

W. Edwards Deming

احنا فعلا عندنا مشكلة الاختيار....يمكن متعودناش عليه....دايما في حد بيختارلنا و باين احنا استحلينا الموضوع ده يمكن عشان بنحب نرمي المسؤليه على اي حد غيرنا و طبعا عشان يكون عندنا حجه نشتكي ☺ و يمكن حبينا دور الضحيه

هاهاهاها ولما نتزنق بنعمل ايه ؟ نقول خليها على ربنا.... هوا الي حيعمل الي فيه الخير ....

بنتوكل على الله و احيانا كمان بنتواكل عليه و بنسيب نفسنا ليه لكن في نفس الوقت مبنرضاش بحالنا و طبعا دايما عندنا حق..... مهوا مش احنا الي وصلنا نفسنا للي احنا فيه و مخترناهوش فبالتالي مبينا و مبين نفسنا عندنا مبرر دائم للشكوى و التمرد الي للأسف في اغلب الاوقات بيكون داخلي بس و تأثيراتو سلبيه و مبنخليهوش طاقه ايجابيه ابدا ..... عشان احنا دايما بنستنى غيرنا – حتى لو كان ربنا – يقرر و ينفذ ......

و نظرا للموضوع ده تلاقينا مبنعرفش قيمة الي احنا فيه عشان متعبناش فيه، اتعودنا ان غيرنا هوا الي يزرع و يتعب و احنا نحصد و نستمتع  و ندفع مقابل ده بعض من حريتنا.

و مع الايام او يمكن لما بنتحط في جو فيه حريه اكبر يمكن للظروف او للسن او اي شيء تاني بنلاقي اننا مخدناش قرارات مهمه في حيتنا و بالتالي متحملناش مسؤلية تصرفاتنا و لذلك  مغلطناش كتير او في حاجات مهمه......

طبعا ده شيء مهم و كويس بس المشكله اننا متعودناش على الخطأ او اننا نغلط و ان الانسان لازم ياخد قرار و يجربو زي ممكن يكون صح احيانا ممكن في احيان تانيه يكون غلط و دي مش حاجه غريبه ان الانسان يخطئ  لكن الواحد لازم يتعلم ازاي يتعامل مع الخطأ ...

 ازاي يفكر و يعمل كل الي يقدر عليه عشان يتفاداه او يقلل من تأثيرو لو حصل و يتعامل معاه ازاي لو بقا واقع و ازاي اتعايش معاه و كمان ازاي استفيد منو و من التجربه لما هو قادم في الحياة.....

انا لاحظت اننا في احيان كتير بنقعد نفكر و ندرس و نخطط لكن في اللحظة الحاسمه مبنعملش ولا بنطبق شيء من ده كلو و بناخذ القرارا بسرعه بناءأ على شيء حصل او نصيحة صديق او نقول خليها على الله .... يمكن مبنسدق نلاقي حاجه نرمي عليها المسؤليه...... مش حكاية عدم ثقه في راينا ولكن اعتقد انو خوف من تحمل المسؤليه و تبعات هذا القرار فبنشرك معانا حد او بنشيلو هوا الجمل بما حمل.......

اعتقد ان الخطأ هوا ان الواحد يقعد خايف من انو يغلط.... الحمد لله ربنا ادانا منهج و عقل و اكيد كل واحد مننا حوليه ناس ممكن يستشيرها و حتى يفكر معاها .... و يحاول يحسب حساب احتمال الفشل او الخطأ ...لآن الخطأ و الفشل ده جزء من المعادله لا يمكن ابدا اننا نشيلو و تبقى المعادله سليمه....

زي مدرينا،الاداره السليمه هيا الي دايما بتكون في واحده من التلت حالات دول:

تفكير، دراسة ثم قرار فتنفيذ....... ثم تقييم و دراسة ثم قرار فتنفيذ..... فتقييم وهكذا

بدون مناخد قرارات المراكب لن تراوح مكانها  و حتدوب من الملح وهيا في مكانها و ساعتها اكيد حنكون خسرناها 100/100 يمكن لو كنا مشينا بيها لأي مكان كان في احتمال نوصل لمرادنا واهم شيء النيه ثم النية ثم النية وهنا يذكرني قوله تعالي : ان الله لا يغير ما بقوم حتى يغيروا ما بانفسهم .... صدق الله العظيم

يعني مش منطقي ان من اول مره الواحد لازم يفكر صح ميا في الميه و يكون قرارو صح ميا في الميه، لكن الواحد بيفكر بعدين بياخد خطوه و بعدين بيقيم الموقف في ظل المعطيات الجديده الي مكنش حيوصلها الا لو كان قرر و نفذ اول مره ......

السلام عليكم...

انا عشت في اماكن كتير و اختلط بناش اشكال و الوان... محدش كان وحش على الأطلاق و محدش كان كويس على الأطلاق... مصدفتش حد سعيد بشكل كامل ... كل واحد فيه الي مكفيه... لكن بتختلف الناس في نظرتها و تحليلها و تعاملها لنفس الأشياء.....

لقيت أن الأسلام هوا الحاجه المشتركه في كل ماهوا كويس في الأنسان... يعني دور على الأسلام تكسب...

 بس الأسلام الحقيقي مش اسلام الدقن ولا النقاب.... اسلام المعاملات مش اسلام الحفظ و الفضائيات... المسلم الي عارف ان الدنيا ما هي الا دار ابتلاء مش رفاهيه و راحه...المسلم الي عايش دنيتو كانو يعيش ابدا و عايش لأخرتو كأنو حيموت غداً .... اسلام التسهيل و المحبه مش التضييق و النفور من كل ماهوا مختلف عن الي اتعودنا عليه..... اسلام القرأن و السنه مش العادات و الأعراف...... الأسلام الي بيخلي الواحد يحب كل الناس و يعاملهم بما يرضي الله، مش الي يخلي الواحد شايف الناس كلها مخطئين ضالين و كمان مفيش فيهم فايده فيعتزلهم و لو ادر يولع فيهم كمان

و المسلم الي مهما اختلف المكان، الزمان او الظروف تلاقيه زي مهوا عشان قلبو متعلق بالذي لا يتغير ولا يتبدل.... شايف الحقيقه وسط الضباب عارف ان الجنه كانت غاليه قوي ايام الرسل و الصحابه ضحو علشنها بالغالي من اموال و اولاد و اهل و انفس.... و للأسف محصلش من ساعتها اي تخفيض.... الجنه هيا هيا و الثمن هوا هوا برضو غالي يمكن هما جاهدوا الكفار و المشركين لكن احنا بنجاهد انفسنا، ظروفنا و النفاق الي حولينا.... وده مش سهل بالعكس المشقه هيا هيا عشان الجنه هيا هيا .... الثمن ثابت لكن العمله اتغيرت....

في رعاية الله

بسم الله الرحمن الرحيم ( وَقَالَ فِرْعَوْنُ ذَرُونِي أَقْتُلْ مُوسَى وَلْيَدْعُ رَبَّهُ إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ ) صدق الله العظيم....

طبعا كلنا مسلمين و كلنا بنقرا الاية دي وحنا بنستغرب ازاي فرعون الفاسد الكافر كان بيقول ويبرر للناس انو عايز يقتل موسى النبي الصالح عشان خايف لحسن موسي يفسد البلاد و العباد .... وزي مالقران بيحكي ان الفرعون خرج بجيشو لمطاردة موسى ومن معه .... معنا كدا ان كثير من الشعب و كثير من الجيش كان مصدق ادعاء فرعون انو خايف عليهم لحسن سيدنا موسى يبوظ البلد ....

طبعا حضرتك بتدحك عليهم عشان بيصدقو الفرعون الي كان بيعتبر نفسو الاله و الشعب مجرد خدم .... و بيكدبو سيدنا موسى الي اغلبهم اصلا ميعرفوهوش .... ولكن بما ان ده الفرعون فلازم نصدقو .....

لا لا .... اعوذ بالله ان اكون بقارن موسى بمرسي او من يطالبون بالشرعية ..... ولكني ارى ان السيسي و عصابته الانقلابية - فراعنة العصر الحديث- بيضحكو على الشعب بنفس حيلة الفرعون القديمة .....وللاسف ناس كتير بيتدحك عليها ....

 وهيا دي لعنة الفراعنه.....

وكم من ليلة بت في كربة يكاد الرضيع لها يشيب

فما أصبح الصبح الا أتى من الله نصرٌ وفتح ٌ قريب